TOUR WITH US! / TOER SAAM!
CHRISTMAS LIGHTS & ALPINE HEIGHTS
France, Switzerland & Italy – November 2026
Ervaar die Betowering van Europa se Mooiste Seisoen!
Kliek HIER om ons te kontak en die info te kry Click here for more info
UITVERKOOP! – 2026: TURKYE, ITALIë, GRIEKSE EILANDE 15 DAG TOER (Per bus asook 7 NAGTE SKEEPVAART) / TURKEY, ITALY, GREEK ISLANDS – 15-DAY TOUR (By bus as well as 7 nights of cruising)
Die reise wat ons saam met ons mede-pelgrims aanpak, bring gereeld die ervaring van WOW!, of soos ons kinders sê: “awesome!” Op ‘n besondere manier word ons liggaam, siel en gees aangeraak en verryk. Dikwels lei dit tot ‘n verandering van perspektief en gee weer moed om met verwondering die lewe as ‘n unieke reis saam met Jesus te beleef.
Om te reis maak ons oë oop vir nuwe ERVARINGS VAN GOD…
Ons begelei vanaf 1997 mense op ‘n reiservaring met God, veral na ISRAEL.
Hierdie foto van Jerusalem het ons ‘n tyd gelede geneem… en jy kan ook as jy saamgaan vanaf daardie plek hierdie ervaring kry…
Hier onder sal jy enkele foto’s sien van ons vorige toere…
Ons begelei vanaf 1997 mense op ‘n reiservaring met God, veral na ISRAEL.
2019
Einde Maart was ons en 39 ander op nog ‘n wonderlike reis na Istanbul in Turkye, Petra in Jordanië, en Israel.
Begin op ‘n koue oggend in Istanbul met vaart op die Bosphorus.
Lekker om die wêreld te bekyk met ‘n koppie warm cappuccino.
En ‘n besoek aan ondergrondse “cistern”, Topkapi Paleis en baie meer. Hier is die Hagia Sophia.
‘n Besoek aan Istanbul moet altyd die Grand Bazaar met meer as 4000 winkels insluit!
Toe na Jordanië.
Wilma voor een van die indrukwekkende Petra-geboue in Jordanië – Lost Red Rose City of Petra.
Vanaf die Berg Nebo kan jy op ‘n mooi dag Jerusalem sien. Dis van hier waar Moses die Beloofde Land kon sien.
Met hierdie uitsig by Jericho sien jy die Berg van Versoeking. In die rigting waarin Wilma kyk, is ‘n ander versoeking: Winkel vol lekker eetgoed en geskenke!
Dit was interessant om hierdie tabernakel in die woestyn te beleef – volgens die presiese Bybelse afmetings en voorskrifte.
By Caesarea Maritima met die ruïnes van die imposante bouwerk deur Herodus die Grote laat doen. By hierdie Caesarea het Petrus die eerste bekeerling uit die nie-Jode, Cornelius ‘n Romeinse offisier, gedoop.
Onthou jy Maria Magdalena? Hier is Magdala.
By die See van Galilea, foto van ons hier vanaf Tabgha geneem. Hier het Jesus o.a. ‘n menigte kos gegee.
Vanaf ons boot op die See van Galilea ‘n ander ene afgeneem.
Ons toergroep wat wonderlike vriende geword het!
Lekker om ‘n slag reën in Jerusalem te ervaar.
‘n Laaste cappucino – by “Peter in Gallicantu”.
Die Heer het opgestaan!
2017 Rome, Venesië, Bootvaart Kroasië en Griekse Eilande, Israel
In 2017 was ons op ‘n stadstoer in Rome (hier by die Vatikaanstad),
en natuurlik die Trevi-fonteine (Wilma gooi hier weer ‘n muntstuk oor haar skouer soos in 2000 – hulle vertel as jy dit doen, gaan jy Rome weer sien – in ons geval nogal eers na 17 jaar! (Let wel ons glo nie in sulke goed nie, net as grap bedoel!).
Die Kolosseum bly altyd indrukwekkend!
Toe na Venesië vir oornag…
en die volgende dag op ons bootvaart na Kroasië en die Griekse Eilande asook Ancona in Italië.
Split in Kroasië.
Santorini Griekse Eiland.
Aandbesoek in Mykonos.
Heerlik op die MSC Sinfonia.
Dubrovnik in Kroasië.
TOE VLIEG ONS NA ISRAEL…
Jerusalem
Die Cardo in Joodse deel in Jerusalem.
En die Tuingraf waar op die deur staan: He is not here, for He is risen.
Daar is natuurlik baie meer foto’s, maar die beste bly die belewenisse, vriendskappe, aanrakings deur God!
2015…
In 2015 het ons toergroep tyd bestee in Dubai…
Daarna Athene – en toe ‘n wonderlike bootvaart tussen die Griekse Eilande en Turkye beleef.
Akropolis
Mykonos
Patmos
Santorini
Rhodos
Kusadasi
En so ook ‘n hele aantal ander toere voor hierdie datums, soos onder andere die PASSIESPELE IN OBERAMMERGAU wat net elke 10 jaar gebeur – ONS NEEM WEER MENSE NA OBERAMMERGAU IN 2022 en na ISRAEL-ISTANBUL in 2021 – KONTAK ONS!
Daarna het ons gevlieg vir ‘n vinnige ekskursie in Istanbul
met ‘n bootvaart in die aand op die Bosphorus..
Toe in ISRAEL IN DIE SPORE VAN JESUS geloop
Klaagmuur in Jerusalem
Tuingraf in Jerusalem
Straattoneel in Jerusalem
Ons terugvlug was vanuit Jordanië, maar eers draai by die Dooie See vanaf Jordanië.
Terugvoer na ons toere (die bladsy gaan te lank word as ons alles moet insit, so bly mense waardeer hierdie Godservaring):
Nou weer:
Ons het die toer baie geniet – veral die geestelike perspektiewe en verryking wat dit meegebring het.
Ons is baie tevrede met hoe julle julself van die groot taak as toerleiers gekwyt het – veral julle geestelike aanslag was baie spesiaal. Ons waardeer alles regtig baie.
Roy & Linette
Ek kan nie glo dat ek al ’n jaar lank uitgesien het na die Pelgrimsreis na Israel en toe amper nie gegaan het nie…Baie dankie Jannie dat jy my oortuig het in my twyfel en desperaatheid om wel saam te toer en dat jy Sharlene aan my voorgestel het om haar na hierdie vreemdeling in haar eensaamheid te ontferm—wonderlik om ’n nuwe geesgenoot in Jesus te he!
Die toer was baie meer as wat ek verwag het en so ongelooflik verreikend. Was so lekker om in Afrikaans te kuier en te sing( al kan ek nie sing om my lewe te red nie!), nagmaal te kon vier en die Geloofsbelydenis weer in Afrikaans te bely….kan nie onthou wanneer laas ek dit in Afrikaans gehoor of gesê het nie, en soveel meer.
Laat my weet indien julle enigsins ’n kansellasie het vir die Oberammergau deel van julle toer in Julie 2020—sal graag dit ook wil beleef.
Lourene (Canada)
Nota: Sy het ingeskryf! Jy kan ook HIER.
Dis ons wat baie dankie moet se vir jou en Wilma, dankie dat julle saam met ons die pad geloop het, dankie vir julle Geduld en liefde wat julle vir ons gehad het as ons agter geraak het. Die toer was vir ons twee ‘n wonderlike ervaring, ons was baie seer en moeg, maar dit was alles die moeite werd. Ons het gegroei in ons geloof, en ons liefde vir mekaar, dit was ‘n ervaring wat ons nader aan ons Here gebring het, en ook nader aan mekaar. Ek dink elke dag terug aan elke ervaring, en wens so ek kon op van die plekke langer bly.
Marian
Jannie en Wilma julle het die toer vir ons baie maklik gemaak met jul kennis en ervaring. Ek het regtig baie veilig en geborge gevoel baie danki daarvoor.
Dit was n besonderse ervaring wat n wonderlike groep christene warm omgee… Familie in Christus.
Ek dink jy gaan meer vrystaters in die toekoms op die toere kry
Gods rykste seen julle is n pragtige paartjie Eks baie lief vir julle
Groete diep uit my hart
Hermie
En vantevore:
PLACES WE VISITED WITH OUR TOURS:
Belgium (Zeebrugge)
Czech Republic (Prague)
Germany (Bonn, Boppard, Ettal, Köln, Munich, Vienna,)
Egypt (Cairo)
Engeland (London)
Ethiopia (Addis Ababa)
France (Paris, Cannes – French Riviera)
Greece (Athens)
Greek Islands (Chania, Crete, Mykonos, Patmos, Rhodos, Santorini)
Hungary (Budapest)
Israel (Betlehem, Caesarea, Capharnaum, Dead Sea, Jericho, Jordan River, Jerusalem, Masada, Nazareth, Sea of Galilee, Timna Park, Tel Aviv, Tiberias, Qumran)
Italy (Albavilla, Amalfi, Ancona, Bari, Civitavecchia, Genoa, Lake Como, Lake Garda, La Spezia – Cinque Terre, Merano, Milan, Rezzato, Rome, Sorrento – Amalfi coast, Pompeii, Trento, Varena, Venice)
Jordan (Petra, Amman)
Croatia (Split, Dubrovnik)
Madagascar (Tananarive)
Montenegro (Kotor)
Netherlands (Amsterdam)
Oberammergau Passion Play in Oberammergau (Bavaria, Germany)
Austria (Ettal, Innsbruck, Klagenfurt, Neuschwanstein, Salzburg, Vienna)
Qatar (Doha)
Spain (Barcelona, Palma de Mallorca)
Switzerland (Lucerne, St Moritz)
Turkey (Ephesus, Hierapolis, Istanbul, Izmir, Kusadasi, Laodicea, Pamukkale, Pergamum, Philadelphia, Smyrna, Sardis, Thyatira)
United Arab Emirate (Dubai)